Psa 1 | TVK | STEP | Sien iti mi ngan xil xa di lasin nenemien xa moletin xil xa lakavui di lasa ni, di latahusil ti sexien na moletin tesa xil, e di latamos ti vatel ngan xil xa lasep pepamen usil holesok xil na Hi.

Psalms 1

Sien iti mi ngan xil xa kakaoen nae momal

1 Sien iti mi ngan xil xa
di lasin nenemien xa moletin xil xa lakavui di lasa ni,
di latahusil ti sexien na moletin tesa xil,
e di latamos ti vatel ngan xil xa lasep pepamen usil holesok xil na Hi.
2 Moletin xil ak di lapus sien
e melele xa di lalong xat rae xil na Iahova.
Io, melengien e vongien, xil di lanem usili.
3 Xil langgoni vatiei xil xa lalihi di seri oei.
Xil di laso huite e melele xa momal,
e ute misakras vamen e vakiri.
Holesok xil vus xa moletin xil ak di lapol ni mei bos pupu.

4 E moletin xil xa lakavui latamak ti.
Xil langgoni valit uit xa tavos ti xa di laso rerati reling utute xa bos,
e votiang di bui lelen ni.
5 Ma melele xa Hi ilepis rin na moletin xil,
xi isa longpangasien mi moletin xil ak xa lakavui.
Xil lasakras lati visal ngan xil xa kakaoen nae momal.
6 Vengan ngan xil xa kakaoen nae momal,
Iahova ilaxat kuh xil e isikoe xol xil.
E ngan xil xa kakaoen nae mikavui,
xil ladi e suse te maten tang.